Ernesto del Río (Bilbo, 1954) Zuzenbidean lizentziatua da Deustuko Unibertsitatean, eta ZINEBI Bilboko Dokumentalen eta Film Laburren Jaialdiko (2000-2017) eta Bilbao Bizkaia Film Commissioneko (2006-2017) zuzendaria izan da.
Besteak beste, Octubre, 12 (1982) eta El ojo de la tormenta (1983) film laburren, El amor de ahora (1987), No me compliques la vida(1991), Hotel y domicilio (1995), Valeria descalza (2011) film luzeen eta Umezurtzak (2013) eta Metalúrgica y tropical (2023) telesailen zuzendari eta gidoilaria.
Gainera, Hoja de ruta (Jose A. Pérez, 2005) eta Tosferina (Álvaro Alonso, 2009) film laburren ekoizlea izan da, eta baita Calor… y celos (Javier Rebollo, 1996) eta Entre todas las mujeres (Juan Ortuoste, 1998) film luzeena ere.
MARTA MEDINA
Marta Medina zinema kritikaria, gidoilaria eta film laburren zuzendaria da. Valladolideko Unibertsitatean Kazetaritzan lizentziatua eta Madrilgo Erkidegoko Zinematografia eta Ikus-entzunezkoen Eskolan (ECAM) Zinema Zuzendaritzan diplomatua. Miguel Ángel Vivasen akziozko Asedio (2023) “thriller” filmaren gidoia idatzi du eta Despertar (2015) film laburra zuzendu du. Zinema Akademiaren Egoitzen hirugarren edizioan parte hartu du, beldurrezko Laponia proiektuarekin.
2016tik zinemako gaien eta kritiken arduraduna da ‘El Confidencial’ egunkarian. Halaber, ‘So Film’ bezalako argitalpen espezializatuekin kolaboratzen du –baita Frantziako edizioan ere–, ‘Carne Cruda’ irratsaioarekin –zinemako aktualitateari eskainitako ‘Sesión continua’ sekzioan–, eta 2021az geroztik La 2-eko ‘Historia de nuestro cine’ programako ohiko kolaboratzaile bilakatu da. Alejandro G. Calvorekin batera agertzen da Webediako ‘Cara a cara’ eta ‘Tarde de perros’ zinema tarteetan.
IRATXE FRESNEDA
Iratxe Fresneda (Bilbo, 1974) azken urteotan estatuan eta nazioartean oihartzun handia izan duen emakume zuzendarien belaunaldi berri bateko kidea da. UPV/EHUko Ikus-entzunezko Komunikazio Saileko irakaslea da 2004tik, eta ikertzaile gonbidatua izan da Nevadako Unibertsitatean (AEB). (AEB), New Yorkeko CUNYn (AEB). (AEB), Lundeko Unibertsitatean (Suedia) eta Toulouse II – Le Mirailen (Frantzia). Bere zinema, ahaztutako artxiboetan inspiratua ‘, errealaren istorioen erregistroan zentratzen da, begirada pertsonal batetik. Bere lehen film luzea, Irrintziaren Oihartzunak (2016), Donostiako 64. Zinemaldian estreinatu zen, eta Lurralde Hotzak-Cold Lands (2018) eta Tetuán (2022) filmekin itxi zen. Trilogia hiru film luze independentek osatzen dute, eta bidaiaren, artxiboaren eta memoriaren gakoen bidez lotzen da.
Bere filmak mundu osoko nazioarteko jaialdi eta filmoteketan proiektatu dira (Berlin, Madril, Nantes, Genova, Seul, Porto, Montevideo, Bartzelona…) eta sari eta errekonozimendu ugari jaso ditu.
Gaur egun All the Roads Are Open (2025) luzemetraiaren garapenean ari da lanean eta laster amaituko du bere ikus-entzunezko pieza: Errotatiba ‘.
PANORAMA FANTASTIKO
ALAITZ ARENZANA
Zinegoak-eko, Bilboko LGTBIQ+ Nazioarteko Zinema eta Arte Eszenikoen Jaialdiko, egungo zuzendari artistikoa eta Zinebiko, Bilboko Dokumentalen eta Film Laburren Nazioarteko Jaialdiko, hautaketa batzordeko kidea, Ikus-entzunezko Komunikazioan lizentziatua da. Proiektu artistikoen kudeaketa, diseinua eta garapena, eta dokumentalen eta ikuskizunen sorkuntza eta errealizazioa uztartzen ditu. Era berean, Sra. Polaroiska kolektiboko kide da. Kolektibo horren lanak hainbat jaialdi eta arte-zentrotan erakutsi dira.
JAVIER ECHÁNIZ
Gidoilari gisa, genero guztiak ukitzea gustatzen zaio. Hala adierazten dute gidoietan parte hartu duen eta estreinatu diren film luzeek: thriller-ak, hala nola, Muertos comunes (2004), Agallas (2009) edo 70 binladens (2018); dramak, esaterako Tiempo sin aire (2015), edo Cuando dejes de quererme (2018); komediak, Carretera y manta (2000), edo En temporada baja (2022); eta beldurrezko filmak, adibidez, Skizo (2006) eta La pasajera (2021). Beraz, denetarik egiteko balio duela esan daiteke.
Gaur egun, Operación marea negra (Amazon Prime) telesailaren 3. denboraldian ari da lanean, bai eta aurreprodukzioan dauden film luze proiektu hauetan: Ciudad Jardín eta Al otro lado (2019an Julio Alejandro sari ospetsua irabazi zuen gidoia, Sorbeltz behin-behineko izenburua zuena).
SUSANA MIRAVALLES
Susana Miraballesek hainbat gauza idatzi, zuzendu eta muntatzen ditu. Telebistan idazten hasi bazen ere, film laburren eta A Escondidas (2014) edo Broken Basket (2015) filmen zuzendaritza taldean egin du lan.
Gaur egun, Calle Falsa 123 ekoiztetxean eduki digitala ekoizten eta proiektu kulturaletan laguntzen egiten du lan. Ordaintzen badiote, jaietan eta galatan musika jartzen du.
FANT 2022an euskal film labur onenaren saria lortu zuen Hikikomori filmaren gidoilaria izan da.
