THE HIDDEN

1987 · Jack Sholder · AEB · 97 min

Atala:

maiatzak 14 / 18:45etan Golem Alhóndiga (Sala 2)

Lapurreta eta hilketa bitxi eta esplikaezin batzuek erabat nahastuta daukate Tom Beck Los Angeleseko detektibea. Eta ez da lagungarria Lloyd Gallagher FBIko agente misteriotsuak esatea izaki estralurtar gupidagabe bat biktima errugabeen gorputzak inbaditzen ari dela, heavy metal musika, Ferrari gorriak eta indarkeria ikaragarria oso gustuko duten hiltzaile anker bihurtuz.

Jack Sholder Filadelfian jaio zen, eta bertan tronpeta jotzaile klasiko bihurtzeko ikasi zuen. Ingeniaritza kimikoa ikasten urtebete eman ondoren, Edinburgoko Unibertsitatera eta L’Université de Besançon izenekora joan zen eta Antioch Collegen graduatu zen ingeles literaturako lizentziatura batekin. Sholderrek filmen editore gisa hasi zuen bere ibilbidea, Akademiaren sari baterako izendatua izan zen King: A Filmed Record… Montgomery to Memphis (1970) film luze dokumentalean lan eginez. Emmy bat irabazi zuen 1980an 3-2-1 Contact filmaren edizioan egindako lanarengatik. Zenbait film labur saritu idatzi eta zuzendu ondoren, Sholderrek Solos en la oscuridad (1982) lana zuzendu zuen, eta ondoren ¿Dónde están los niños? (1986) eta Pesadilla en Elm Street 2: La venganza de Freddy (1985) lanak etorri ziren. Bere hurrengo film luzeak, Hidden (1987), sari asko irabazi zituen, Avoriazeko Zinemaldiko Sari Nagusia barne. Premiere Magazinek “80ko hamarkadako hamar film gutxietsienetakotzat” jo zuen. 2004an, Jackek Zinema eta Telebista Ekoizpen Programa sortu zuen Western Carolina University izenekoan, eta bertan irakasle eta zuzendari izan zen 2017an erretiroa hartu zuen arte.