ILARGI GUZTIAK. TODAS LAS LUNAS

2021 · Igor Legarreta · Euskal Herria, Frantzia · 102 min

Atala:

maiatzak 7 / 18:30etan Teatro Campos

Azken karlistaldiaren amaieran, basoan bizi den emakume misteriotsu batek neskato bat erreskatatuko du umezurztegi batetik. Zaurituta, eta bere burua heriotzaren atarian sentituz, neskatoak, emakume horrengan, Zerura eramateko bere bila etorri den aingeru bat ikusi duela pentsatuko du. Laster ohartuko da, egun berriaren egunsentian, bere konpainiaren truke, izaki arraro horrek betiko bizitza eman diola. Bere izaera berriaren pean, bere haurtzaroan itxita igarotako denboraren igarotze mingarria ‘bizi’ beharko du, eta hamaika eta hamaika ilargi zenbatu beharko ditu Candido, bere etxean bere alaba balitz bezala hartuko duen gizon umila, ezagutu arte. Berarekin, bere izaera berriaren aurkako eta kendu dioten bere bizitza berreskuratzeko ametsa lortzeko bidaia hasiko du.

Ikus-entzunezkoetan lizentziaduna Euskal Herriko Arte Ederren Fakultatean/EHUn, Igor Legarretak (Leioa, 1973) hainbat film labur idatzi eta zuzendu zituen Emilio Perezekin batera. Lan horien artean nabarmentzekoak dira El trabajo (1998), Montpellier eta Locarnoko jaialdietako epaimahaiaren sariak jasotakoa; eta El Gran Zambini (2005), sari ugari jaso dituen lana.

2002an, Urban Myths Chillers telesailaren barruan, bi atalak zuzendu zituen. Filmaxek Tele5 kanalerako ekoitzitako “Películas para no dormir” saileko Regreso a Moira (2006) telebistarako filmaren gidoiaren egilea da. Halaber, Antonio Banderasek ekoitzi eta interpretatutako Autómata (2014) film luzearen gidoilaria eta bigarren unitatearen zuzendaria izan zen. Era berean, Zipi y Zape y la isla del capitán (2016) film luzearen bigarren unitatea zuzendu zuen. 2017an, Cuando dejes de quererme bere opera prima zuzendu zuen. Espainiaren eta Argentinaren arteko koprodukzioa, maitasuna, desamodioa eta misterioa batzen dituen thriller bat planteatzen du. Ilargi Guztiak bere bigarren film luzea da.